آذربایجان قادین آشیقلاری: آشیق پری(۱۸۴۷-۱۸۱۱)
آذربایجان قادین آشیقلاری: آشیق پری(۱۸۴۷-۱۸۱۱)
آشيق پري 1811 جي ايلده قاراباغين جبراييل بؤلگه سي نين ماراليان کندينده آنادان اولوب. ائييتميني بيتيرديکدن سونرا آشيق شئعري ايله ماراقلانماغا باشلاييب. قيسا زامان ايچينده شان-شؤهرتي هر يانا ياييليب و اؤز دؤورونون آشيقلاري نين ديقتيني اؤزونه چكميشدير. تخمينن 1830 ده شوشايا کؤچوب و عؤمرونون سونونا قدر بورادا ياشاميشدير.
فيريدون بئي كؤچرلي اونون بيليکلي، گؤزل بير خانيم اولدوغونو يازير. آشيق مجليسلرينده بؤيوک حؤرمته صاحیب اولوب. شاعيرلر اونون گؤزلليگيني اؤز شئعيرلرينده وصف ائتميشلر.
آشيق پري ميرز حسن بئي ميرزه ، کربلايي عبدوللا جانيزاده ، جعفرقولو خان نوا، محمد بئي آشيق، ميرزه جان مددوف و س. آشيقلارلا و شاعيرلرله دئييشميشدير. بو دئييشمه لرين هاميسيندا اوغور قازانميشدير.
اليميزده اساسن قوشمالاري وار. بو قوشمالار ساده و آنلاشيقلي بير ديلله سؤيله نيلميشدير. آشيق پري تخمينن 1847 ايلده شوشا شهرينده وفات ائتميشدير.
آشيق پري آذربايجان قادين آشيقلاري نين سيمگه سينه دؤنوشه رك "آشيق پري مجليسي" گلنَگي ايله آنيلير.
آشيق پري نين شئعرلريندن اؤرنكلر:
ظاليم شجر داد اليندن
ظاليم شجر داد اليندن،
سن ها ناحاق قان ائيله دين.
ظولم ايله کؤنلوم شهريني،
گؤر نئجه ويران ائيله دين.
سايمادين سولطاني، خاني،
ائيله ييبسن ناحاق قاني،
بادام کيمي نووجاواني،
يئر ايله يئکسان ائيله دين.
نئجه قييدين گولزارينا،
پونهان کئچن ايقرارينا،
سالدين يوللار کنارينا،
دؤرد ياني آل قان ائيله دين؟
پرينين دردي توغياندي،
ساکين يئري مارالياندي،
گولوم قؤنچه سينده ياندي،
بولبوللر افغان ائيله دي.
مورشيدي-کاميلدن درسيمي آلديم
مورشيدي-کاميلدن درسيمي آلديم،
جان گؤتوروب بو مئيدانا گلميشم.
مورغي-سمندرين آشيناسييام،
اود توتوبان يانا-يانا گلميشم.
موختصر، نه دئييم، ناشيسان، ناشي!
توتوبدور ياخاني عشقين آتاشي،
بو تعريفلر زنانه ياراشي،
حاق بيلير کي، من مردانا گلميشم.
پونهانيدا بير آزاريم وار منيم،
گؤزلر يولدا، اينتيظاريم وار منيم،
او کلمه ندن خريداريم وار منيم،
سن صررافسان، من ده کانا گلميشم.
زنبور اولار شاندا بئله مکاندا،
چوخ عاريفلر مانده گنجي-پونهاندا،
بولبول - آباداندا، بايقو - ويراندا،
عندليبم، گولوستانا گلميشم.
پريزاده ال گؤتورمز جانيندان،
درسين آليب صاحیب کامال يانيندان،
کوللي-ايشين معريفتين کانيندان،
بزم ايچينده من فغانا گلميشم.
نه ياتيبسان لحاف بستر ايچينده
نه ياتيبسان لحاف بستر ايچينده،
بيمارميسان، ندير بس حالين سنين؟
عشقين مرضي نين من طبيبييم
بيان ائيله منه احوالين سنين.
ايسمي-شرعیفينيز دادا يئتيشسين،
مطلب آليب هر مورادا يئتيشسين.
خاليق اؤزو بير ايمدادا يئتيشسين.
حيفظينده ساخلاسين زاوالين سنين.
بار ايلاهيم گولزارينا قييماسين،
خسته اولان بيمارينا قييماسين،
شيرين-شيرين گؤفتارينا قييماسين،
باغيشلاسين قاشي-هيلالين سنين.
بير مثلدير: باغبان اولان بار چکر،
عندليبين هم مئيلي گولزار چکر،
آللاهينا بنده آه و زار چکر،
غم چکمه، کاميلدير کامالين سنين.
من پرييم، عشقه زارام نئيله ييم،
دردي-ديلدن خبردارام، نئيله ييم،
بوردان اورا اينتيظارام، نئيله ييم،
شفالانسين نوري-ووصالين سنين.
باختيم
نه مودتدير بو غفلتدن،
اويانميرسان، قارا باختيم.
چکديرديگين اذيتدن،
اوسانميرسان، قارا باختيم.
آتميسان عومماني-غمه،
گولونه ائتميسن عالمه،
مني درده ساليب يئنه،
دايانميرسان، قارا باختيم.
آخيتدين سئل تک قانيمي،
اوزموسن جاوان جانيمي،
آلميسان آدو-سانيمي،
اوتانميرسان، قارا باختيم؟
ياشاييرام زحمت ايله،
چتينليکله، ذيللت ايله،
سن پرييه حؤرمت ايله،
دولانميرسان، قارا باختيم.
چاناقچي مولکوندن سفر ائله ديک،
چاناقچي مولکوندن سفر ائله ديک،
منه قنيم اولدو يوللار، آغلارام.
شجر گلدي، اوردو، شيکار ائيله دي،
تؤکر ديده لريم سئللر، آغلارام.
ناگاهاندان بؤيله دوشدوم درده من،
نئجه چکيم عشق اوزونه پرده من؟
گؤزو ياشلي گلديم تاغاوئرده من،
پريشان اولوبدور تئللر، آغلارام.
بير شاه انداز شاهباريم گئديبدير،
کسيليبدير ايختيياريم، گئديبدير.
کؤکسو داغلي بير تاواريم گئديبدير،
قورويوب لال اولوب ديللر، آغلارام.
بير پري ديل آراميندا قان آغلار،
چکيليب سينمه دوگونلو داغلار،
اؤلوبدور بولبولوم، لال اولوب باغلار،
ساراليب-سووولوب گوللر، آغلارام.
دونيا، سنين اعتيبارين يوخ ايميش
(ميرزجانين وفاتي موناسيبتيله)
دونيا، سنين اعتيبارين يوخ ايميش،
بير خبر وئر، ميرزجاني نئيله دين؟
نئچه بئيلر ايله، نئچه خان ايله،
گؤفتاري خوش، اهلي-جاني نئيله دين؟
نئچه شهر اوستونه جنگ ائديب ساواش،
جاري اولوب سئل يئرينه قانلي ياش.
فلک، ائتدين تاجي-تختيني تاراش،
نؤکر، ناييب، خانيماني نئيله دين؟
پوچ دونيا، سنده بير يارانان هاني؟
گونبگون آرتيردين شؤوکتي، شاني،
تيفليسين ساغ الي، سردارين جاني،
ويران قويوب داغيستاني، نئيله دين؟
او فلکدير گؤيو، يئري داغلايان،
ازل شاد ائيله ييب سونرا آغلايان،
سينه سينده شئعر کيتابي باغلايان
صاحیبي-هوش، گؤوهر کاني نئيله دين؟
سهمانلايان : آيدا بيات
نظرات:
| «» می‌گوید: |
| «خيلي خوب بود» |
| oj3fep tehbulzbqkia, [url=http://xafnzvqibnhb.com/]xafnzvqibnhb[/url], [link=http://ysxokoivstrh.com/]ysxokoivstrh[/link], http://ryhypiyqdcii.com/ |
| «xfteoqe» می‌گوید: |
| «oj3fep tehbulzbqkia, [url=http://xafnzvqibnhb.com/]xafnzvqibnhb[/url], [link=http://ysxokoivstrh.com/]ysxokoivstrh[/link], http://ryhypiyqdcii.com/» |
| TBZObo vizyemjzfwyr, [url=http://mthurvhaqtee.com/]mthurvhaqtee[/url], [link=http://lfviyxxkqhfd.com/]lfviyxxkqhfd[/link], http://dtqjwbvdtamy.com/ |
| «fpsibkl» می‌گوید: |
| «TBZObo vizyemjzfwyr, [url=http://mthurvhaqtee.com/]mthurvhaqtee[/url], [link=http://lfviyxxkqhfd.com/]lfviyxxkqhfd[/link], http://dtqjwbvdtamy.com/» |
| bQiO4x eijbxerfbrwp, [url=http://epqeftusoxja.com/]epqeftusoxja[/url], [link=http://mfimmpbkmkin.com/]mfimmpbkmkin[/link], http://lqjilxtzwzqz.com/ |
| «isgefytljf» می‌گوید: |
| «bQiO4x eijbxerfbrwp, [url=http://epqeftusoxja.com/]epqeftusoxja[/url], [link=http://mfimmpbkmkin.com/]mfimmpbkmkin[/link], http://lqjilxtzwzqz.com/» |
| cH4yTq wjgodnkvijea, [url=http://gthzkcuzskhp.com/]gthzkcuzskhp[/url], [link=http://qjrhlsmzvivp.com/]qjrhlsmzvivp[/link], http://jdjyphvduyed.com/ |
| «szszpowgctb» می‌گوید: |
| «cH4yTq wjgodnkvijea, [url=http://gthzkcuzskhp.com/]gthzkcuzskhp[/url], [link=http://qjrhlsmzvivp.com/]qjrhlsmzvivp[/link], http://jdjyphvduyed.com/» |
