آذربایجان قادین آشیقلاری: آشیق پری(۱۸۴۷-۱۸۱۱)
آذربایجان قادین آشیقلاری: آشیق پری(۱۸۴۷-۱۸۱۱)
آشيق پري 1811 جي ايلده قاراباغين جبراييل بؤلگه سي نين ماراليان کندينده آنادان اولوب. ائييتميني بيتيرديکدن سونرا آشيق شئعري ايله ماراقلانماغا باشلاييب. قيسا زامان ايچينده شان-شؤهرتي هر يانا ياييليب و اؤز دؤورونون آشيقلاري نين ديقتيني اؤزونه چكميشدير. تخمينن 1830 ده شوشايا کؤچوب و عؤمرونون سونونا قدر بورادا ياشاميشدير.
فيريدون بئي كؤچرلي اونون بيليکلي، گؤزل بير خانيم اولدوغونو يازير. آشيق مجليسلرينده بؤيوک حؤرمته صاحیب اولوب. شاعيرلر اونون گؤزلليگيني اؤز شئعيرلرينده وصف ائتميشلر.
آشيق پري ميرز حسن بئي ميرزه ، کربلايي عبدوللا جانيزاده ، جعفرقولو خان نوا، محمد بئي آشيق، ميرزه جان مددوف و س. آشيقلارلا و شاعيرلرله دئييشميشدير. بو دئييشمه لرين هاميسيندا اوغور قازانميشدير.
اليميزده اساسن قوشمالاري وار. بو قوشمالار ساده و آنلاشيقلي بير ديلله سؤيله نيلميشدير. آشيق پري تخمينن 1847 ايلده شوشا شهرينده وفات ائتميشدير.
آشيق پري آذربايجان قادين آشيقلاري نين سيمگه سينه دؤنوشه رك "آشيق پري مجليسي" گلنَگي ايله آنيلير.
آشيق پري نين شئعرلريندن اؤرنكلر:
ظاليم شجر داد اليندن
ظاليم شجر داد اليندن،
سن ها ناحاق قان ائيله دين.
ظولم ايله کؤنلوم شهريني،
گؤر نئجه ويران ائيله دين.
سايمادين سولطاني، خاني،
ائيله ييبسن ناحاق قاني،
بادام کيمي نووجاواني،
يئر ايله يئکسان ائيله دين.
نئجه قييدين گولزارينا،
پونهان کئچن ايقرارينا،
سالدين يوللار کنارينا،
دؤرد ياني آل قان ائيله دين؟
پرينين دردي توغياندي،
ساکين يئري مارالياندي،
گولوم قؤنچه سينده ياندي،
بولبوللر افغان ائيله دي.
مورشيدي-کاميلدن درسيمي آلديم
مورشيدي-کاميلدن درسيمي آلديم،
جان گؤتوروب بو مئيدانا گلميشم.
مورغي-سمندرين آشيناسييام،
اود توتوبان يانا-يانا گلميشم.
موختصر، نه دئييم، ناشيسان، ناشي!
توتوبدور ياخاني عشقين آتاشي،
بو تعريفلر زنانه ياراشي،
حاق بيلير کي، من مردانا گلميشم.
پونهانيدا بير آزاريم وار منيم،
گؤزلر يولدا، اينتيظاريم وار منيم،
او کلمه ندن خريداريم وار منيم،
سن صررافسان، من ده کانا گلميشم.
زنبور اولار شاندا بئله مکاندا،
چوخ عاريفلر مانده گنجي-پونهاندا،
بولبول - آباداندا، بايقو - ويراندا،
عندليبم، گولوستانا گلميشم.
پريزاده ال گؤتورمز جانيندان،
درسين آليب صاحیب کامال يانيندان،
کوللي-ايشين معريفتين کانيندان،
بزم ايچينده من فغانا گلميشم.
نه ياتيبسان لحاف بستر ايچينده
نه ياتيبسان لحاف بستر ايچينده،
بيمارميسان، ندير بس حالين سنين؟
عشقين مرضي نين من طبيبييم
بيان ائيله منه احوالين سنين.
ايسمي-شرعیفينيز دادا يئتيشسين،
مطلب آليب هر مورادا يئتيشسين.
خاليق اؤزو بير ايمدادا يئتيشسين.
حيفظينده ساخلاسين زاوالين سنين.
بار ايلاهيم گولزارينا قييماسين،
خسته اولان بيمارينا قييماسين،
شيرين-شيرين گؤفتارينا قييماسين،
باغيشلاسين قاشي-هيلالين سنين.
بير مثلدير: باغبان اولان بار چکر،
عندليبين هم مئيلي گولزار چکر،
آللاهينا بنده آه و زار چکر،
غم چکمه، کاميلدير کامالين سنين.
من پرييم، عشقه زارام نئيله ييم،
دردي-ديلدن خبردارام، نئيله ييم،
بوردان اورا اينتيظارام، نئيله ييم،
شفالانسين نوري-ووصالين سنين.
باختيم
نه مودتدير بو غفلتدن،
اويانميرسان، قارا باختيم.
چکديرديگين اذيتدن،
اوسانميرسان، قارا باختيم.
آتميسان عومماني-غمه،
گولونه ائتميسن عالمه،
مني درده ساليب يئنه،
دايانميرسان، قارا باختيم.
آخيتدين سئل تک قانيمي،
اوزموسن جاوان جانيمي،
آلميسان آدو-سانيمي،
اوتانميرسان، قارا باختيم؟
ياشاييرام زحمت ايله،
چتينليکله، ذيللت ايله،
سن پرييه حؤرمت ايله،
دولانميرسان، قارا باختيم.
چاناقچي مولکوندن سفر ائله ديک،
چاناقچي مولکوندن سفر ائله ديک،
منه قنيم اولدو يوللار، آغلارام.
شجر گلدي، اوردو، شيکار ائيله دي،
تؤکر ديده لريم سئللر، آغلارام.
ناگاهاندان بؤيله دوشدوم درده من،
نئجه چکيم عشق اوزونه پرده من؟
گؤزو ياشلي گلديم تاغاوئرده من،
پريشان اولوبدور تئللر، آغلارام.
بير شاه انداز شاهباريم گئديبدير،
کسيليبدير ايختيياريم، گئديبدير.
کؤکسو داغلي بير تاواريم گئديبدير،
قورويوب لال اولوب ديللر، آغلارام.
بير پري ديل آراميندا قان آغلار،
چکيليب سينمه دوگونلو داغلار،
اؤلوبدور بولبولوم، لال اولوب باغلار،
ساراليب-سووولوب گوللر، آغلارام.
دونيا، سنين اعتيبارين يوخ ايميش
(ميرزجانين وفاتي موناسيبتيله)
دونيا، سنين اعتيبارين يوخ ايميش،
بير خبر وئر، ميرزجاني نئيله دين؟
نئچه بئيلر ايله، نئچه خان ايله،
گؤفتاري خوش، اهلي-جاني نئيله دين؟
نئچه شهر اوستونه جنگ ائديب ساواش،
جاري اولوب سئل يئرينه قانلي ياش.
فلک، ائتدين تاجي-تختيني تاراش،
نؤکر، ناييب، خانيماني نئيله دين؟
پوچ دونيا، سنده بير يارانان هاني؟
گونبگون آرتيردين شؤوکتي، شاني،
تيفليسين ساغ الي، سردارين جاني،
ويران قويوب داغيستاني، نئيله دين؟
او فلکدير گؤيو، يئري داغلايان،
ازل شاد ائيله ييب سونرا آغلايان،
سينه سينده شئعر کيتابي باغلايان
صاحیبي-هوش، گؤوهر کاني نئيله دين؟
سهمانلايان : آيدا بيات
قادين فيلوسوفلار
آنتيک چاغدان رؤنئسانسا قدر بوتون تصويرلرده فلسفه ني بير قادين سيمگه لر " سوفيا " بيلگه ليک تانريجاسي.
ايلک کز تک تانريلي دينلر اورتايا قويدوغو سيمگه لرله قادينلاري بيلگه ليگين ديشيندا بوراخميش و " ساده جه ارککلرله تانري آنلاشما باغلار، ساده جه ارککلر، تانري ايله اينسانلار آراسيندا آراجي اولابيلير " دئييلميشدير.
عيني شئي " باتي فلسفه سي " نين سيمگه لر سيستئمي نين قورولماسيندا دا گئچرليدير. بورادا قادينلار دئمك اولار هئچ سؤز قونوسو اولمازلار.
فلسفه نين تاريخي بويونجا اونوتولموش باشاريلارين ليسته سي چوخ اوزوندور. اگر ارکک فيلوسوفلار قادينلار اوزرينده دوشونورلرسه، بونو، اونلاردا اؤرنگين روحلاري نين اولماديغيني اريستو (Aristoteles)،عاغيل يتنگي نين اونلاردا اسكيك اولدوغونو(کانت) ساپتاماق/تعيين ائتمك/ اوچون ائتميشلر . ارکک فيلوسوفلارين بيرچوخو قادينلاردا اؤزگون بير دوشونجه گؤرمه نين مومکون اولماديغيني دوشونموشدورلر. فلسفه چيلر بوگونه قدر توتارلي بير شکيلده آسپاسيانين (Aspasia) فلسفه تاريخي باخيميندان اؤنمي قارشيسيندا سوسغون قالميشديرلار. چونکو " سوقراتيک " دييالوق اونون بولوشودور. نه آسپاسيا نه ده سوقرات(Sokrates) گئرييه يازيلي بير تک سطير بوراخميشدير. دييالوقلاري سونرادان پلاتون تارافيندان يازيلميش اولان فيلوسوفلار سوقرات حاققيندا کيتابليقلار دولوسو ايکينجي ال ليتراتور واردير.
قادين فيلوسوفلار قيساجا اله آلينديغيندا؛ بورادا تاريخين داييمن ياخشييا گئتديگي سؤيلنجه سي نين يانليشليغي اورتايا چيخار: گلنکسل اولاراق داها ايلري ساييلان زامانلارين اؤرنگين آيدينلانما چاغي نين قادينلار اوچون گئنل اولاراق بير گئرييه گئديش اولماسي كيمي. قادين فيلوسوفلار ارکک فيلوسوفلارلا عيني اورتاملاردا بولوندوقلاريندان "فاحيشه" يا دا "جادي" اولاراق گؤرولموشديرلر. يئني چاغين باشلانغيجينا قدر ائولي و اوشاقلي قادينلارين بيليمسل ساحه لرده چاليشماسي آزقالا دوشونوله مز بير شئي ايدي.
ايندي بعضي قادين فيلوسوفلارلاري قيساجا تانيياق:
آنتيک چاغداکي قادين فيلوسوفلارلار
ميلئتلي آسپاسيا (Miletli Aspasia)
هم قونوشاما صنعتينده اوستادير هم ده چوخ ياخشي درجه ده فلسفه بيلگيسي واردير. سوقراتيک دييالوق اولاراق بيلينن يؤنتم، ايلک کز آسپاسيا طرفيندن قوللانيلير. سوقرات بو يؤنته مي آسپاسيادان اؤيرنميشدير.
ديوتيما(Diotima)
سوقراتين موعلليمي دير .عيني سوقرات كيمي، ديوتيما حاققينداكي بيلگيلره ده پلاتونون دييالوقلاريندان اولاشيريق.
ديوتيما. عئشق اؤيرتيسي آدي وئريلن اؤيرتيسينده بونلاري سؤيلر: " بيزلر حياتدا ايلرله ديکجه، بويودوکجه عئشقين ايچريگينده بؤيوروك، ياشلانيريق. ايلک اؤنجه ووجودلارين گوزلليگيندن ائتکيله نيريك. داها سونرا گؤزلليگي بوتون ووجودلاردا گؤروروك. بو نوقطه دن سونرا دا روحون گوزلليگيني گؤرمه يه باشلاريق.اينسان بوتون روحلارداکي گوزلليگي گؤرمه يه باشلادي مي، ياراتيلان هر شئيده کي گؤزلليگين فرقينه وارير.سونوندا دوشونجه ده کي گوزلليگه اولاشيلير.عئشق بيزلري ياشاديغيميز سوره جه ايلرله ديگيميز يولدا دوام ائتديرن گوجدور. "
ايسکندرييه لي هيپاتيا (Hypatia)
آنتيک چاغين سونلاري نين ان ائتکيلي بيلگينيدير. تاريخته بيلينن ايلک قادين ماتئماتيکچيدير/رياضياتچي/. اؤزگورلويو ساوونان ايلک قادينيدير.
خيريستييان دوگمايا ساواش آچميش و خيريستييانلار اونا شيددتله قارشي چيخميشدير. دينسيزليکله ايتهام ائديلميشدير و سونرادان " جادي آوي " اولاراق آنيلاجاق اولان قاني سوساميشليق درجه سينه واران قادين دوشمانليغي نين ايلک قانلي قورباني اولموشدور. اونون اؤلومو، روما ايمپاراتورلوغونون خيريستييانلاشماسيني کسين ايشارتي، " پاگان(pagan) " فلسفه نين سون ائرمه سي آنلامينا گلير.
2009 ياپيمي آگورا(AGORA) آدلي فيلمه قونو اولموشدور.
اورتاچاغداکي قادين فيلوسوفلار
اورتاچاغ قادينلارا چوخ بؤيوك باسقيلارين ائدينديگي بير چاغ اولاراق تانينميشدير.کيليسه اگمنليگي حاکيمدي.بيليم و فلسفه ايله اوغراشان قادينلار جادي اولاراق آنيليردي.قادينلاري نين اؤز چاغلاري نين کولتورل حياتينا ائتکين شکيلده قاتيلما اولاناقلاري چوخ آزدي. صومعه يه گيريب راهيبه اولماقلا بو قاتيليمي ساغلامانين اؤنملي بير يولويدو.
هيلديگارد وون بينگئن (Hildegard von Bingen)
باش راهيبه بينگئن،بييولوق، حکيم و عيني زاماندا موزيسيين دير. خسته ليكلرين ندنلري حاققينداكي کيتابي حکيملرين ائييتيمينده قوللانيلميشدير. 77 ايلاهي نين يازاريدير.
تئولوژيک-فلسفه سي باشياپيتي "ويزيون اوچله مه سي " دير.
آلمان فلسفه سي بينگئن له باشلانغيج قازانير.
موشتهيلد وون ماقدبورق (Mechthild von Magdeburg)
" گؤي اوزونون وار اولماسيندان بري، هر شئيدن اوستون اولان شئي،حئيرت ائتمکدير. " دئين ماقدبورق اثرلرينده تانري سئوگيسييله دوزن قازانميش بير ائوره ني بتيملر.
کاترينا وون سينا (Katharina von Siena)
" اينسان ايراده سي اؤزگوردور،اينسانين آلين يازيسي(قدري) اؤنجه دن بليرلنميش دئييلدير. " گؤروشو سينانين فلسفه سي نين تمليني اولوشدورور.
كريستينه دو پيزان ( Christine de Pizan)
ايلک فرانسيز قادين يازاردير. " قادينلار شهري " آدلي کيتابيندا اوچ سويلو قادينين يارديمييلا اوتوپيک بير شهرين قورولماسيني آنلادير.
رؤنسانس و رفورم دؤنمي قادين فيلوسوفلاري
ايتاليا رؤنسانسي سوره سينجه يعني آنتيک چاغ کولتور گلنگي نين " يئنيدن دوغوشو " ايله،14. و 15. يوزايلده يئني بير قادين تيپي " ويراگو " (virgos: باکيره) کولتورلو " ارکک قادين " تيپي اورتايا چيخدي.
رؤنسانس فلسفي تاريخي باخيميندان هئچ بير يئني سيستمين اورتايا چيخماديغي بير گئچيش دؤنمي ساييلير.
رؤنسانس بوتونويله آلينديغيندا قادينلار اوچون اولدوقجا گئرييه آتيلميش بؤيوك بير آدديمدي.آنتيک چاغين دوشونجه داغارجيغي نين يئنيدن دوغوشو بو چاغين قادين دوشماني دوشونجه لري نين ده رؤنسانسي اولموشدور.
ايسوتتا نوگارولا (İsotta Nogarola)
" حووا ايله آدمين گوناهي نين ائشيدليگي يا دا ائشيدسيزليگي حاققيندا دييالوق " اوندا حووا ايلک گوناهداکي رولونون نه اولدوغونو سورغولار.
" اگر تئولوژي نين اؤيرتديگي كيمي حووانين دوغال اولاراق دوشونمه گوجو و دايانيقليليغي داها آزسا، او زامان اونون سوروملولوغو دا داها آز اولاجاقدير. " دييه رک، خيريستييان کيليسه سي نين قادين ايمگه سيني ايرونيک بيچيمده ائلئشديرميشدير.
تولليا داراقونا (Tullia D’aragona)
" عئشقين سونسوزلوغو اوزرينه دييالوق " آدلي اثري پلاتونيک دييالوقون يئنيدن کشفي اولاراق گؤرولور.
تئرئزا وون آويلا (Teresa von Avila)
ويدا آدلي اثري مونتينیه کشف ائتديگي دوشونولن دئنمه فورمونون ايلک اؤرنگيدير.
آيدينلانما چاغي قادين فيلوسوفلارلاري
آيدينلانما چاغي اولاراق آدلانديريلان تاريخسل دؤنم، آيدينلانما فلسفه سي نين 18. يوزايلده دوغوب بنيمسنمه يه باشلاديغي دؤنمدير.
بو چاغدا قادينلار هله اسکيدن اولدوغو كيمي، مال الده ائتمه اؤزگورلويو يا دا دوشونجه سيني سربستجه سؤيله مک حاققيندان يوخوسوندو.
آيدينلانمانين بيرنئچه ارکک قورامجيسي، اؤرنگين ژان آ. دو كوندورست(Jean A. De Condorcet) قادينا دا ائشيد حاقلارا صاحيب اولما اولاناغي وئريلمه ديکجه دئوريمين آماجينا اولاشماياجاغيني ايلري سورموشدور
بيلگي تئوريسي نين ايکي دوشونمه يولو ، آيدينلانما فلسفه سينده اگمن رول اوينار. راسيوناليزم آلمانيا و فرانسادا اونون يولونو حاضيرلاميشدير. فرانسيز دئوريمي نين ايده الي اولان " اؤزگورلوک،ائشيدليک،قارداشليق " هئچ بير شکيلده قادينلار اوچون گئچرلي اولمايينجا " قادينلار يئنيدن اوجاق باشينا گؤندريلدي. " اونلار ارككلره خيدمت ائتمه لي آناليق رولونا يوغونلاشمالي ايديلار آنلاييشي واردي.
دوشونسل رومانتيک آخيم فلسفه نين بؤيوك سيستملر قورما گلنگيندن آيريلدي.رومانتيک آخيم زامان باخيميندان آيدينلانمانين سون زامانلارييلا کسيشيب آلمان ايده اليزم فلسفه سييله ياپيلان حئسابلاشمالار اوچونده اولوشموش و گليشميشدير.قادين و ارکک رومانتيکلر آيدينلانماجيلارين ايده الي اولان خوش گؤرو و ائشيدليگي سيلمک ايسته مير،دويغولارلا بسله مگي ايسته ميرديلر.
ماري آستئلل (Mary Astell)
" اگر تانري قادينين آنلاييش يتنگيني قوللانماسيني ايستمه سه يدي، اونا بونو وئرمزدي؛ چونکو او هئچ بير شئيي بوش يئره ائتمز. " دئين آستئلل " قادينلارا جيدي بير اؤنري " آدلي ياپيتي ايله اونلو اولدو.بو ياپيتيندا قادينين عاغيللي و دوشونجه لي داورانمايا الوئريشسيز اولدوغو اؤن يارقيسيني چوروتمه يه چاليشميشدير.
ماري ووللسونكرافت(Mary Wollsonecraft)
ايلک کز اينگيلترده قادينلارين توپلومسال حاقلاري اوزرينه بير کيتاب يايينلادي. بئله جه فئمينيزمين تمللري آتيلميش اولدو. فئمينيزم، فلسفي بير فيکير حركتي اولاراق ايلک دفعه باتيدا، قادينلارا هئچ بير دگر وئريلمه مه سي، اينسان اولاراق ساييلماماسي سونوجو فرانسيز دئوريميندن سونرا اورتايا چيخدي.
اوليمپه دو گووگئس (Olympe de Gouges)
" قادينين اعدام كورسوسونه چيخما حاققي وار؛ عيني شکيلده بير قونوشما کورسوسونه حاققي دا وئريلمه لي اونا… "
يوغون اولاراق قادين حاققلاري اوچون ساواشماقلا برابر قادين حاققلاري قونوسويلا اؤزونو سينيرلانديرماميش، گؤردويو هر تورلو حاققسيزليغي ائلئشديرميش، سسسيز قالماميشدير. ايصرارجي توتومو، ييلمازليغي يؤنتيمي راحاتسيز ائتميشدي. اثرلري قادين و اينسان حاققلاري آچيسيندان بؤيوك بير اؤنمه صاحيبدير. آيريجا فرانسيز دئوريمي نين و دؤنمين قادينا و اؤزگور دوشونجه يه باخيش آچيسيني آنلاماق آچيسيندان دا اثرلري فرقلي بير اؤنم ايفاده ائدر.
بئتتينا وون آرمين (Bettina von Armin)
آيدينلانماجيلارين ايده الي اولان خوش گؤرو و ائشيدليگي سيلمه يه دئييل، دويغولارلا بسله مه يه چاليشميشدير. آنلاما يئتنگي و دويغولاري آيري آيري دئييل بير بوتون اولاراق اله آلميشدير.
هئدويگ بئندر(Hedwig Bender)
کانتين ايده اليست بيلگي تئوريسينه قارشي چيخدي. متافيزيگي دوغا بيليمسل بير تمله اوتورمايا چاليشان بير گؤروش گليشديرميشدي.ديسيپلينلرين اوستونه چيخاراق، آتوم فيزيگي آلانينداکي بيلگيلرين فلسفه ده حئسابا قاتيلماسيني ايلک کز ساووندو.
19 يوز ايل
19. يوزايلين سونلاريندا آيدينلانمانين باشلانغيجلارينداکي قادينيندا ارکک كيمي آغيل يئتنگينه صاحيب اولدوغو دوشونجه سي سيلينه رک،گلنکسل قادين ايمگه سينه گئري دؤنولدو.
بو دوروم، قادين حاققلاريني ساوونانلارين حركته گچمه سينه ندن اولدو.
کائرن هورني(Karen Horney)
فرويدون فئمينيسم قارشيتليغيني ايلک ائلئشتيرنلردندير.
روزا مايريدير(Rosa Mayreder)
" قادينلارين نه اولدوغو آنجاق اونلارين نه اولمالاري گرکديگي اؤنجه دن بليرلنمزسه بيلينه بيلير. " دوشونجه سيني ساوونور. اونا گؤره قادين اؤزونه اؤزگو کيشيليگي نين گليشمه سييله قادين نسنه استاتوسوندن قورتولاجاقدير.
20. يوز ايلده
وارولوشچولوق فلسفه سي، فئنومنولوژي، آناليتيک فلسفه كيمي فلسفه آخيملاري اگمن اولموشدور.
دؤنميم اؤنملي دوشونورلريندن بيري هانا آرئنت دير(Hannah Arendt).
سيمونه دو بوووار(Simone de Beauvoir)
" منيم اوچون بير دوشونجه، تئوريک بير شي دئييلدير؛ او ياشانير يا دا تئوري اولاراق قالير و گئچرلي دئييلدير. " دييه رک فلسفي ايلکه سيني ايلک روماني نين باش قهرمانينا سؤيلتميشدير. اونون فلسفه سي نين تمليني دوغرودان ياشانان دئنه ييملر اولوشدورور. اونيورسيته دن تانيديغي ژان پاول سارتر كيمي وار اولوشچولوق فلسفه سي نين ساوونوجوسو اولموش، اؤلونجه يه قدر سارترلا ياشاميشدير.
بورادا سؤزونو ائتديکلريميز، چاغلار بويونجا دوشونن، دوشوندوکلريني ايفاده ادن قادينلاردا ساده جه بيرنئچه سی. 20. یوز ایلده اؤزلليکله فئمينيزم، ائلئشتيرل فلسفه، ديل فلسفه سي چوخ ائتکيلي اولموشدور. ماري دالي(Mary Daly)، سارا کوفمان(Sarah Kofman)، ژوليا کريستئوا (Julia Kristeva )بو گؤروشلري ساوونانلاردان بازيلاريدير.
توم بو اؤنملي قادينلارين دوشونجه لريني بورادا آنلاتماق اوچون زامانيميز قيسيتلي اولدوغو اوچون چکه بیلریک آنجاق .
سونوچ اولاراق بونو سؤيله يه بيليريک کي؛ قادين دوشونورلر يئني بير فلسفي سيستم اورتايا قويماقدان چوخ، آتا ارکيل دوزنده، قادين حاققلاريني تاسيس ائتمه يه و ساوونماغا چاليشميشدیلار. آما يئنه ده دوشونجه دونياسينا بؤيوك قاتقيلاري اولموشدور.
یازانلار: موگه توسون- اليف جنگيز / اؤزل تورک ليسه سي
كؤچورن : آيدا بيات
تاريخده تورك قادين باشليقلاري
اورتا آسيا و آنادولوتاريخي بويونجا تورک قادينلاري چوخ چشيدلي فورم و اؤلچولرده باشليقلار ايشلتميشلر. بعضن ساده بعضن ده ائحتيشاملي اولان بو باشليقلار، سوسيو- ائکونوميک و کولتورل دوزَيده فرقيليقلر گؤسترميش آما قادينلار هانسي صينفه منسوب اولورلارسا اولسونلار گئييملريني تاماملايان بو آکسسواردان وازگئچمه ميشديلر. يوکسک صينيفه منسوب قادينلار باشليقلاريني سورقوج، انسه ليک، باش ايگنه سي و چئشيدلي لعل جواهیرلرله سوسلرکن سيرادان قادينلار بونو مونجوق، قوش توكو، رنگلي منديل ويا تولبنتلرله دوزلتميشديلر.
آنادولو جوغرافي قونوموندان اؤتورو بير چوخ کولتورو بونيه سينده بارينديران هوموژئن بير ياپييا صاحيب دير. بو کولتورل زنگينليکدن گئييم اورونلري و طرزلري ده ائتکيلنميش، دونيانين هئچ بير يئرينده راستلانماياجاق اؤلچوده بير چئشيدليليک اولوشموشدور. اؤزلليکله عوثمانلي ايمپاراتورلوغونون بوتون دين و کولتورلري قوجاقلايان بيرلشديريجي توتومو دا بو چشيدليليگه فورصت وئرميشدير. باشليقلار گئييم قوشاما اويغون اولاراق ايشله ديلن چوخ اؤنملي و وازگئچيلمز بير آکسسوار حالينه گلميش، گئييلن گئييمي نين رنگينه، شکلينه و توخوما تورونه گؤره چئشيدليليك گؤسترميشدير. سارايلي قادينلارين، آزينليقلارين و سيرادان قادينلارين ايشلتديكلري باشليقلارين فرقليليگي دا بو چئشيدليليگي آرتيرميشدير.
قادين گئييمينده ترپوش، سرپوش، آراقچين، آراقييه، هوتوز(بؤرك)Hotoz، بــــــوغتاق ، تپه ليک، فس، تانتورا، فجهل، اوسکوف، تاککه، کولاه وب. سؤيله نيش بيچيملرييله آنيلان باشليقلار ايشله نيلميشدير. سورقوچ، انسه ليک، ايستئفان، زولوفلوک، باش ايگنه سي، ديادم، بورونجوک، محرمه، كيمي ايسيملر آلان آکسسوارلار ايسه باشليقلاري تاماملايان كيچيك آما اؤنملي آيرينتيلار اولموشدور.
ايسلامييت دن اؤنجه کي دؤنمده، تورکلره عايد قيافه و باشليقلار قونوسونداکي بيلگيلري چين قايناقلاريندان و دووار رسيملريندن الده ائديريك . دؤنمين ان اؤنملي اؤزلليگي قادين و كيشي گئييمينده کي بنزرليکدير. اورتا آسيا دؤنمي قادين ساچ بيچيملري اؤزونه اؤزگو بير اؤزلليک گؤسترميشدير. ساچلار يا هؤرگولر حاليندا سالينميش، يادا چوخ ساييدا توپوز ائديله رك سانجاق و فيلديشي داراقلارلا توتدورولموشدور. اؤزلليکله توپوز اويغورلار دؤنمينده، قادينلار قدر كيشيلر طرفيندن ده سيخجا ايشله نيلميشدير.، اويغور قادينلاري باشلارينا بوغتاق آدي وئريلن هوتوزلار گئيميشديلر. ساچ هؤرگولري ايسه فرقلي سوسيال دوروم و قونوملاري بليرله ين بير اؤزلليک داشير. اوزون و هؤرگولو ساچ، يابانجي قايناقلار، اؤزلليكله چين قايناقلاري طرفيندن تورکلره خاص بير اؤزلليک اولاراق بليرتيلميشدير.
تورکلر، ايسلامييت دن سونرادا اورتا آسيا گئييم قوشام طرزيني، اؤزلليکله اوزون و هؤرگولو ساچ گلنگيني دوام ائتديرميشديلر. اوزون ساچ موداسي سلجوقلولارلا ديگر مملکتلره ياييلميش، مملوکلار دا بو موداني منيمسه ميشديلر.
سلجوقلو قيافتلريني جانلانديران اثرلرده ده راستلانديغي كيمي، سلجوقلولار چوخ چئشيدلي باشليق تورلري ايشلتميشديلر. بونلاردان بير قيسمي اورتا آسيا دان بري ايشله ديلن تيپلر ويا بو تيپلرين تورولريدير. ديگر بير قيسمي ايسه سلجوقلولارين ياخين دوغو دا تماس ائتديکلري بؤلگه لره خاص باشليقلاردير. بو باشليقلاردان چوخونو باسيق ساريق تيپي باشليق تشکيل ائتمکده دير. بونونلا بيرليکده بيزانسليلاردان تورکلره و تورکلر دن بيزانسليلارا يئني بير چوخ باشليق و گئييملر ده گئچميشدير.
12. يوزايلده قادينلارين فرقلي ساچ بيچيملري نين يانيندا چئشيدلي باشليق و شاللاري دا ايشلتديكلري گؤرولمکده دير. باسيق ساريق و اوجو بيز پاپاقلارتيپي باشليقلاري قادينلار دا ايشلتميش، باشليقلارين اوزريني دگرلي داش –قاشلار و اينجيلرله سوسله ميشديلر. ابن بطوطه آنادولو قادينلاري نين باغتاق دنيلن باشليقلار ايشلتديكلريني بو باشليقلارين اوزرينه تاووس قوشو توكوندن سورقوج تاختيقلاريني يازار.
قانوني سولطان سولئيمان دؤنمينده قادين باشليقلاري بئش ويا اون سانتيم يوکسکليگينده و فس بيچيمينده دير. بونلار دگرلي قوماشلاردان دوزلميش و اوزَرلري دگرلي لعل –جواهيرلر، تاجلار، اينجي ديزيلري و سورقوچلار تاخيلاراق سوسلنميشدير.
فرانسادان 1549ايلينده بير ائلچيليک هئيتي ايله بيرليکتده ايستانبولا گلن نيكولايين بتيمله ديگي ائو گئييمي ايله تورک قاديني گراوئرينده ، دؤنمين اؤزلليگيني يانسيتان فس بيچيملي باشليق گؤرولور. قاش باسدي شکلينده دولاديغي تولبندي چنه سي نين آلتيندان باغلاميش، اوزون ساچلاري دا باشليغين آلتيندان بئلينه قدر سالينميشدير.
نيكولاي، سارايدا ياشايان قادينلا سيرادان قادينين ان بؤيوک فرقي نين باش اؤرتمه بيچيمينده اولدوغونو سؤيلر. سيرادان قادينين ساده بير باشليق گئيديگيني، سارايلي قادينين ايسه تاج تاخديغيني، بو تاجين اوزرينده و آرخا طرفده كيچيك پليسه بير کرئپ اولدوغونو، باشليغين چئوره سينه چيگين خطينه سالانان طرفدن ، باشليغي ايکي کره چئوره له ين بير تور کوردونون يئر آلديغيني يازار.
دانيمارکالي رسسام Melchior Lorichs (1527-1583)، قانوني سولطان سولئيمان دؤنمييله و عوثمانلي ياشامييلا ايلگيلي ياپيتلار بوراخميشدير.
Melchior Lorichs’ين چيزيميني ياپديغي سولطان پورتره لرينده، باش سوسلري و گئييملر، آيرينتيلار اوزرينده ديققتله دورولاراق رسم ائديلميشدير. 16. يوزايله اؤزگو فس بيچيملي باشليقلار، ايريلي اوفاقلي اينجيلرله و ديگر دگرلي داشلاردان اولوشان چئشيدلي سوسلرله و سورقوچلارلا سوسلنميشدير. ساچلار تورک قاديني نين هؤرگولو ساچ توتغوسونو يانسيتاجاق شکيلده هؤرولموش و بئله قدر اوزاتيلميشدير. رسيمده ديققت چکن بير باشقا اؤزلليک کَکول و زولف لردير.
يوزايللر بويونجا اوزون و هؤرگولو ساچلاري ايله گؤرولن عوثمانلي قاديني، داها سونرا ياپيلان مينياتورلرده کَکول و گيجگاهلارينداكي ساچلاريني قيسا کسميش، يونگول ساچلار مئيدانا گتيرميش اولاراق رسيملنميشدير.
16.يوزايلده دؤنمين گزگينلري، هانسي صينيف و دينه منسوب اولورلارسا اولسونلار، توم قادينلارين ديشاريدا آياقلارينا قدر اؤرتوندوکلريني، ائولرينده ايسه اوزون سورقوچلو و يالديزلي باشليقلار ايشلتديكلريني آنلادير.
1618-ه تاريخله نن ، بيريتريش مئزيوم موندي آلبومونده خاتونجوق آدلي بتيمله مه ده، الينده قدح توتان، ساري پاپوشلاريندان موسلومان اولدوغو آنلاشيلان گنج بير خانيم يئر آلير. تانتورا آدي وئريلن، گوموشدن يوکسک هوتوزون اوزريندن دولاديغي يمني سيني بوينونون آلتيندان باغلايان خانيمين، سيرمالي ماوي قاش باسديسي دا واردير.
1678 ايلينده تورکييه ده بولونان هوللاندالي گزگين Corneille Le Bruyn ، سياحتنامه سينده قادينلارين باشليقلاري قونوسونا آيريجاليقلي بير يئر وئرميشدير.
Corneille Le Bruyn ، ايزميرلي موسلومان قادينلارين كوچه يه چيخارکن، قادينلارين باشلاريني بير اؤرتوكله اؤرتدوکلريني ايفاده ائدر.
Corneille Le Bruyn سياحتنامه سينده، پاديشاهين سارايينداکي قادينلار قونوسوندا، الينه کيتابيندا سوندوغو بيرنئچه رسيم گئچديگيندن دانيشير. سارايداکي قادينلارين بعضيلري نين يهودي قادينلاردا اولدوغو كيمي يووارلاق بؤيوک بير پلاتين باشليق تاختيقلاريني آما آلين خطينده بو باشليغين آشاغيدان يوخاري دوغرو يوکسلديگيني و هر ايکي يانيندا قوش توكلري اولدوغونو سؤيلر.
Corneille Le Bruyn سارايدا ايشله ديلن بير باشليغي بئله تعريف ائدير: " اؤزلليکله خانيملار، سوسلنمه بيچيملرينده اؤزلرينه اؤزگو بير اوجاليق و ائحتيشاما صاحيبديلر. ترپوشلاري باشلارينا، چئشيدلي رنگلردن اولان و آلتين گوموش قاخمالي چوخ ساييدا منديلله توتدورولموشدور، بونلارين آراسينا هرکس اولاناقلارينا گؤره هر جينس دگرلي داش تاخماقدادير. بونون ديشيندا سوسلنمه يه چئشيدلي چيچکلر ده ائکلنمکده دير. بو باش اؤرتونمه بيچيمي ائله دوزلميشدير کي، بونو پوزمادان تاخيب چيخارماق اولاسيدير. سير بو باشليقلاري سوسله مک آماجييلا بوکئت بيچيمينده آلتين چيچکلردوزه لير. هر چيچک بوکتي نين اورتاسينا دا دگرلي داشلار يئرلشديريلير. قارانفيل يادا بنزري توردن دوغال چيچکلر تاخان قادينلارا دا راستلانير. "
اون يئددينجي يوزايلده قادينلارين ائو گئييملري گلنکسل اؤزلليکلريني قوروماغا دوام ائدرکن، عوثمانلي ايمپاراتورلوغونون گوجونه قوشوت اولاراق، اؤزلليکله وارلي خانيملارين سوسلو، گؤستريشلي گئييملري ، يئرلي و يابانجي صنعتچيلرين رسيملريندن، آيريجا يازيلي قايناقلاردان آنلاشيلماقدادير.
اون سککيزينجي يوزايلين ايلک ياريسيندا، اؤزلليکله لاله دوؤرونده وارلي خانيملار مسيره يئرلرينده رنگلي فراجه لري و ياشماقلارييلا بوي گؤستريرديلر. ياشماقلارين قوماشي شفافدير و باشي گئنيشلدن هوتوزلار ايشله ديلديگيندن ياشماقلار گوشک باغلانمايا باشلانير و سيرمالارلا سوسله نير.
Allomun’ون چكديگي بير گراوئرده اوتاقليقلارين ايشلتديكلري باشليقلار Corneille Le Bruynun’ون کيتابينداکي سارايلي قادين بتيملمه لريني آنديرير. هوتوزونون اوزرينه كيچيك چيچکلر يئرلشديرميش و اينجيلرله سوسله ميشدير.
اساسن تورک قادينلاري تاريخين هر دؤنمينده بيربيريندن فرقلي ائحتيشاملي و دگيشيک آدلارلا آنيلان باشليقلار ايشلنميش، ساچلاريني بو و بنزري آکسسوارلارلا سوسله ميشديلر. باشليقلارين هم ائستتيک آچيدان قادين گوزلليگيني تاماملايان بير گئييم اؤيسي هم ده بير اصالت سمبولو اولدوغو سؤيله نه بيلير.
تورک اؤزلليگي اولاراق اورتايا چيخان بير چوخ گؤرونوشلر عوثمانليلارا قدر کسينتي سيز اولاراق دوام ائتميشدير. ايمپاراتورلوق دؤنمينده فس بيچيملي باشليقلار يادا ترپوش ايشله تيلمگه باشلانميش، 16. يوزييلين ايکينجي ياريسيندان باشلاياراق بو چئشيدليليك داها دا آرتميشدير. 17. يوزايلدن باشلاياراق اولدوقچا يوکسک و يوخارييا دوغرو دارالان باشليقلار، يوزايلين اورتالاريندا ايسه اوستو گئنيش آلتي دار هوتوزلار گؤرولمکده دير.
عوثمانلي دولتينده گئييملر، توپلومداکي يئري سيمگله ين ان بليرگين گؤسترگه لردن بيري ساييلير گئييمي نين رنگي، بيچيمي و حتا قوماشي نين جينسي، گئين آدامين عايد اولدوغو توپلوم دوزه ييني يانسيتيردي. آيريجا اويوملو بير موزاييک اولوشدوران توپلوم ايچينده کي ديگر ايرق و دينه منسوب آداملارين دا اؤزلرينه اؤزگو بيربيرلريندن فرقلي گئييملري واردي.
فاتيح دؤنمينه قدر تورک قادينلاري، اسکي آنادولو و اورتا آسيا گلنکلريني سوردورموشدولر. ايستانبولون آلينماسي، يئرلشيک دوزنه گئچيش، ايمپاراتورلوغون سينيرلاري نين گئنيشله مه سي و ائکونوميک قوشوللار، قادين-كيشي دونياسي نين آيريلماسينا و قادينلارين كوچه گئييملرينه قوراللار قونماسينا ندن اولموشدور.
یازان : نورآی یاکارییلماز
کوچؤرن : آيدا بيات
قايناقلار:
ASLANAPA, Oktay
Türk Sanatı, İstanbul, 1984
ATASOY, Nurhan
Selçuklu Kıyafetleri Üzerine Bir Deneme, İstanbul, 1971
APAK, Melek Sevüktekin ( GÜNDÜZ, Filiz Onat-ERAY, Fatma Öztürk)
Osmanlı Dönemi Kadın Giyimleri,
Ankara, 1997
BERKER, Nurhayat
Türk Etnografya Dergisi, S. XIII,
Ankara, 1973
CENKMEN, Emin
Osmanlı Sarayı ve Kıyafetleri,
İstanbul, 1943
ÇETİN, Hakan
Kıyafetli Albüm ve Kitaplardaki Osmanlı Kıyafetlerinden Bazı Örnekler, Ankara, 1995
EVREN, Burçak
Yabancı Gezginler ve Osmanlı Kadını, İstanbul, 1997
FERRIOL, Marquis De
18. Yüzyılın Başında Osmanlı Kıyafetleri (Çeviren: Cenap Yazansoy ), İstanbul, 1980
FEYZİ BEY, Muharrem
Eski Türk kıyafetleri ve Güzel giyim Tarzları, İstanbul, 1932-1933
GÜRTUNA, Sevgi
Osmanlı Kadın Giysisi, Ankara, 1999
KAFADAR, Cemal
Tanzimat’tan Önce Selçuk ve Osmanlı Toplumunda Kadınlar, İstanbul, 1993
KESKİNER, Cahide
“Türk Minyatürlerinde Kadın Başlıkları” Antik Dekor, S. 27, İstanbul, 1994
KOÇU, Reşat Ekrem
Türk Giyim Kuşam ve Süslenme Sözlüğü, Ankara, 1967
KUMBARACILAR, İzzet
Serpuşlar, Ankara, 1980
TAŞÇIOĞLU, Muhaddere
Ankara ,2002
Türk Osmanlı Cemiyetinde Kadının Sosyal Durumu ve Kadın, Ankara, 1958
كئچيد:Türk kadın başlıkları:Nuray Yakaryılmaz
